Цяпер кошт талона ў грамадскім транспарце ў вобласці складзе 1,05 руб., а ў экспрэс-аўтобусах – 1,15 руб. Праязныя таксама падаражэлі. Рашэнне аб павышэнні тарыфаў прыняў Гродзенскі аблвыканкам 11 сакавіка. Дакумент апублікавалі на Pravo.by.
Да павышэння коштаў праезд у грамадскім транспарце Гродна каштаваў 90 капеек. Папярэдняе падаражэнне было ў красавіку 2022 – тады кошт паднялі на 10 коп: з 80 да 90 капеек.
UPD 31 сакавіка. З 2 красавіка 2026 года ў Гродне таксама вырасце кошт праезду ў гарадскіх маршрутных таксі. Цана адной паездкі складзе 2 рублі 50 капеек. Тарыфы павышаюць адразу некалькі перавозчыкаў: ПТУП «ТрынТранс», ТАА «ЛЮМАРЛАЙН», ТАА «Экспрэс-люкс» і ТАА «СІДМАЛЭКСПРЭС». Пра гэта паведамляе аператар пасажырскіх перавозак Гродна. Змены закрануць маршруты 2тк, 10тк, 12тк, 22тк, 25тк, 32тк і 36тк, паведамляе Гродзенскі гарадскі Аператар пасажырскіх перавозак.
У колькі абыдзецца праязны на гродзенскі транспарт?
У пастанове Гродзенскага аблвыканкама таксама апублікавалі кошт праязных. Праязны на аўтобусы ці тралейбусы каштуе 47,25 рубля. На абодва віды транспарту – 63,06 рублі.
| Від транспарта | Гарады з колькасцю насельніцтва | ||
| звыш 250 тысяч чалавек | ад 50 да 250 тысяч чалавек | менш за 50 тысяч чалавек | |
| На месяц | |||
| Аўтобус | 47,25 | 46,00 | 40,16 |
| Тралейбус | 47,25 | ||
| Аўтобус і тралейбус | 63,06 | ||
| На 1 каляндарны дзень | |||
| Аўтобус | 3,27 | 3,26 | 2,83 |
| Тралейбус | 3,27 | ||
| Аўтобус і тралейбус | 4,41 | ||
Таксама выраслі тарыфы на прыгарадныя пасажырскія перавозкі: 1 км праезду на звычайных маршрутах цяпер каштуе 0,14 руб., на хуткасных маршрутах і на дадатковых рэйсах – 0,16 руб., на экспрэсных маршрутах – 0,17 руб.
Кошты выраслі не толькі ў Гродзенскай вобласці
Кошт праезду на грамадскім транспарце падаражэў ва ўсіх рэгіёнах краіны. Адпаведныя пастановы апублікавалі аблвыканкамы. Рашэнне аб павелічэнні кошту праезду набывае моц адразу пасля таго, як публікуецца распараджэнне.
Напрыклад, у Мінску праезд абыдзецца ў 1,10 руб. (раней талон каштаваў 95 кап), у абласных цэнтрах – тыя ж 1,05 руб.
Чытайце таксама: Гродзенскі транспарт пераходзіць на электронную сістэму аплаты. Як цяпер купляць талоны?
